#deputat_faoliyati

🔰Maktabning kuz-qish mavsumiga tayyorgarligi deputatlar e’tiborida

🇺🇿Xalq deputatlari Jondor tumani Kengashi deputati H. Karayeva, tuman Kengashi kotibiyati mudiri I. Xolov hamda bosh mutaxassisi R. Murodov hamkorligida Yangiobod mahallasida joylashgan 18-umumiy o‘rta ta’lim maktabining kuz-qish mavsumiga tayyorgarlik holati o‘rganildi.
✔️O‘rganish davomida maktab binosining isitish tizimi, sinfxonalarda o‘quvchilar uchun yaratilgan sharoitlar, issiqlikni saqlash imkoniyatlari hamda mavsumni betalafot o‘tkazish uchun ko‘rilayotgan tayyorgarlik choralari ko‘zdan kechirildi.
✔️Mas’ullar tomonidan ta’lim muassasasida o‘quvchilar va pedagog xodimlar uchun qulay, xavfsiz hamda sanitariya-gigiyena talablariga mos sharoitlarni yaratish muhimligi ta’kidlandi. Aniqlangan kamchiliklarni o‘z vaqtida bartaraf etish, mavjud muammolar yuzasidan tegishli choralar ko‘rish zarurligiga alohida e’tibor qaratildi.
✔️Deputatlik nazorati doirasida maktabning kuz-qish mavsumiga tayyorgarlik holatini o‘rganish, ta’lim sifati va o‘quvchilar uchun munosib sharoitlarni ta’minlashga qaratilgan ishlar izchil davom ettiriladi.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt