Chiqindilarni o‘z vaqtida olib ketish holati nazorat-tahlil qilindi.
Tuman hududida maishiy chiqindilarni o‘z vaqtida va belgilangan tartibda olib ketish holati yuzasidan tuman Kengashi deputati Muxtorov Abdurayim Lapasovich tomonidan nazorat-tahlil ishlari olib borildi.
Nazorat jarayonida chiqindilarni yig‘ish va olib chiqish xizmatlarining holati, belgilangan hududlardan chiqindilarning o‘z vaqtida olib ketilishi hamda sanitariya-obodonlashtirish talablariga rioya etilishi 24 talik tavsiyalar asosida o‘rganildi.
O‘rganish davomida aniqlangan holatlar tahlil qilinib, mavjud kamchiliklarni bartaraf etish, chiqindilarni o‘z vaqtida olib chiqish va hududlarning sanitariya holatini yaxshilash bo‘yicha tegishli tavsiyalar berildi.
Asosiy maqsad — aholiga qulay va sifatli kommunal xizmat ko‘rsatishni ta’minlash, hududlarda tozalik va obodonlashtirish ishlarini yanada yaxshilashdir.