#24_ta_muhim_masala

Xalq deputatlari tuman Kengashi deputati X.Saidovaning tashabbusi va faol sa’y-harakatlari bilan “Novqa” MFY hududidagi ichki ko’chalarning holati va infratuzilmani yaxshilash borasida navbatdagi amaliy ish bajarildi.
Ko‘p yillardan buyon aholiga noqulaylik tug‘dirib kelayotgan, ta’mirtalab ahvolga kelib qolgan Nurobod ko‘chasi to‘liq shagallashtirildi. Yo‘lsozlik ishlari yakunlangach, deputat X.Saidova hudud aholisi bilan yuzma-yuz uchrashuv va samimiy muloqot o‘tkazdi. Muloqot davomida fuqarolar yo‘lning obod bo‘lgani, uzog‘i yaqin bo‘lgani uchun o‘z minnatdorchiliklarini bildirdilar hamda mahallani yanada rivojlantirish bo‘yicha yangi takliflarini o‘rtaga tashladilar.
Xalq bilan muloqot va hududlar obodligi — deputatlar faoliyatining bosh mezoni.