Xalq deputatlari Chilonzor tumani Kengashi deputati, 5-Charx Kamolon saylov okrugi deputati Mahmudova Donoxon Artikovna tomonidan saylov okrugi hududida ijtimoiy ehtiyojmand aholi qatlamiga ko‘rsatilayotgan tibbiy xizmatlar sifati o‘rganildi.

O‘rganish davomida aholining ijtimoiy ehtiyojmand toifalariga ko‘rsatilayotgan xizmatlarning sifatli tashkil etilishi, ularga o‘z vaqtida va sifatli tibbiy yordam ko‘rsatish holati hamda tibbiy xizmatlardan foydalanish imkoniyatlariga e’tibor qaratildi.

Shuningdek, ushbu toifadagi fuqarolarning ehtiyojlarini aniqlash, ularga zarur tibbiy yordam ko‘rsatilishini ta’minlash hamda mavjud muammolarni bartaraf etish masalalari ko‘rib chiqildi.

Deputat tomonidan aholini ijtimoiy qo‘llab-quvvatlash, tibbiy xizmatlar sifatini oshirish va fuqarolarning murojaatlariga o‘z vaqtida munosabat bildirish muhim vazifalardan biri ekanligi ta’kidlandi.