Xalq deputatlari Marg‘ilon shahar Kengashi raisining 2026-yil 10-oktabrdagi 27-11-168-KF/26-sonli farmoyishiga muvofiq, yettinchi chaqiriq xalq deputatlari Marg‘ilon shahar Kengashining navbatdagi, o‘ttiz uchinchi sessiyasi 2026-yil 14-oktabr kuni soat 14:00 da chaqiriladi.

Sessiya kun tartibiga quyidagi 6 ta masala kiritilgan:

1. Marg‘ilon shahar hokimligida 2026-yil uchinchi choragi davomida O‘zbekiston Respublikasi Prezidentining Farmon, Qaror, Farmoyish va topshiriqlari ijrosini ta’minlash hamda “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuni ijrosini ta’minlash borasida amalga oshirilgan ishlar natijasi to‘g‘risida.

2. Marg‘ilon shahrida “Yoshlar daftari” jamg‘armasi hisobidan mablag‘ ajratish to‘g‘risida.

3. O‘zbekiston Respublikasi Prezidentining 2025-yil 30-yanvarda qabul qilingan “Aholini ijtimoiy himoya qilish tizimini moliyalashtirish tartib-taomillarini takomillashtirish to‘g‘risida”gi PF-17-sonli Farmoni ijrosini ta’minlash to‘g‘risida.

4. Marg‘ilon shahar “Inson” ijtimoiy xizmatlar markazining 2026-yil uchinchi choragida olib borilgan ishlari to‘g‘risida.

5. O‘zbekiston Respublikasi Prezidentining 2026-yil 5-fevraldagi PQ-48-sonli qarori ijrosi to‘g‘risida.

6. O‘zbekiston Respublikasi Oliy Majlisi Senati Kengashining 2026-yil 12-martdagi KQ-325-V-sonli qarori bilan tasdiqlangan Qoraqalpog‘iston Respublikasi respublika budjetining qo‘shimcha manbalarini aniqlash va ulardan foydalanish tartibi to‘g‘risidagi namunaviy nizomga o‘zgartirish va qo‘shimchalar kiritish to‘g‘risida.

Sessiyada mazkur masalalar yuzasidan xisobot va axborotlar tinglanib, muhokamalar o‘tkaziladi va tegishli qarorlar qabul qilinadi.