🔽Kambag‘allikdan chiqarish ishlari – deputatlar e’tiborida

Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi R. Murodov hamkorligida “Hazorman” mahallasida hokim yordamchilari tomonidan amalga oshirilayotgan ishlar samaradorligi joyiga chiqib o‘rganildi.
👉O‘rganish davomida mahallada aholini kambag‘allikdan chiqarish, ularning daromad manbalarini ko‘paytirish va bandligini ta’minlash borasida amalga oshirilayotgan ishlar tahlil qilindi. Xususan, ehtiyojmand oilalar bilan individual ishlash, ularning muammolarini aniqlash hamda mavjud imkoniyatlardan samarali foydalanish masalalariga alohida e’tibor qaratildi.
👉Shuningdek, aholining tadbirkorlik faoliyatini yo‘lga qo‘yishi, kasb-hunarga o‘qitilishi, doimiy va mavsumiy bandligini ta’minlash, imtiyozli kredit va boshqa ko‘maklardan maqsadli foydalanishi bo‘yicha olib borilayotgan ishlar holati ko‘rib chiqildi.
👉O‘rganish jarayonida hokim yordamchilarining xonadonbay ishlash samaradorligi, kambag‘al oilalarni kambag‘allikdan chiqarish bo‘yicha belgilangan vazifalarning ijrosi hamda erishilayotgan natijalar yuzasidan mas’ullar bilan fikr almashildi.
👉Aniqlangan masalalar yuzasidan tegishli tavsiyalar berilib, aholini kambag‘allikdan chiqarish borasidagi ishlarni yanada kuchaytirish, mavjud imkoniyatlardan samarali foydalanish va fuqarolarning daromadlarini oshirishga qaratilgan amaliy choralarni davom ettirish zarurligi ta’kidlandi.
👉O‘rganishlar davom etmoqda.

Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt