🔰Ijtimoiy xizmatlar sifati – deputatlar e’tiborida

Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi R. Murodov hamkorligida “Hazorman” mahallasida aholining ijtimoiy ehtiyojmand qatlamlarini qo‘llab-quvvatlash borasida amalga oshirilayotgan ishlar o‘rganildi.
🌏O‘rganish davomida mahalladagi ijtimoiy xodim faoliyati, xususan, aholining ijtimoiy ehtiyojmand toifalariga ko‘rsatilayotgan xizmatlarning sifati va manzilliligi, kam ta’minlangan oilalarga ijtimoiy nafaqalar hamda moddiy yordam tayinlash va to‘lash holatiga alohida e’tibor qaratildi.
🌏Shuningdek, fuqarolarning mavjud ijtimoiy muammolarini aniqlash, ularni tegishli xizmat va ko‘mak turlariga yo‘naltirish, ijtimoiy himoyaga muhtoj oilalarni qo‘llab-quvvatlashda mahalla ijtimoiy xodimining amaliy faoliyati tahlil qilindi.
🌏O‘rganish jarayonida aniqlangan masalalar yuzasidan mas’ullarga tegishli tavsiya va takliflar berildi. Aholining ijtimoiy himoyasini yanada kuchaytirish, ko‘rsatilayotgan xizmatlarning sifat va samaradorligini oshirish hamda yordamlarning manzilliligini ta’minlash bo‘yicha ishlarni izchil davom ettirish belgilandi.
👉O‘rganishlar davom etmoqda.

Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt