✉️ Xalq deputatlari Chilonzor tuman Kengashi deputati Saidov Ulug'bek Aripovich tomonidan Qatortol mahallasida joylashgan 7-sonli davlat maktabgacha ta’lim tashkilotiga kirish yo‘lagini ta’mirlash masalasi yuzasidan Chilonzor tumani hokimligiga yuborilgan deputatlik so‘roviga rasmiy javob olindi.

✍️ Tuman hokimligining 2026-yil 30-sentabrdagi 79-413-sonli javob xatida ma’lum qilinishicha, 2026-yilda tuman hududidagi yo‘llarni asfalt qoplamasi bilan qoplash va ta’mirlash bo‘yicha manzilli chora-tadbirlar rejasi shakllantirilgan.

Mazkur rejaga muvofiq, Qatortol mahallasidagi 7-sonli davlat maktabgacha ta’lim tashkilotiga kirish yo‘lagini ta’mirlash ishlari belgilangan tartibda amalga oshirilishi ko‘zda tutilgan.

Shuningdek mazkur masala yuzasidan qo‘shimcha ma’lumot taqdim etilishi bildirilgan.

Mazkur masala deputat U.A. Saidov tomonidan nazoratga olinib, ta’mirlash ishlarining belgilangan tartibda amalga oshirilishi yuzasidan deputatlik nazorati davom ettiriladi.