Yosh iste’dodlar faoliyati bilan tanishildi

Xalq deputatlari Namangan shahar Kengashi kotibiyati mudiri N.Ubaydullayev hamda Kengash kotibiyati bosh mutaxassisi A.Nurmatov tomonidan Namangan shahar Madaniyat bo‘limi tizimidagi to‘garaklar faoliyati va yosh iste’dodlar uchun yaratilgan sharoitlar o‘rganildi.

O‘rganish davomida yoshlarning musiqa va san’atga bo‘lgan qiziqishini oshirish, milliy qadriyatlarni targ‘ib etish hamda ularning bo‘sh vaqtini mazmunli tashkil etish borasida amalga oshirilayotgan ishlar bilan tanishildi. Shuningdek, to‘garak a’zolarining ijodiy chiqishlari va tayyorgarlik jarayonlari kuzatildi.

Mutasaddilar tomonidan madaniyat muassasalarida yoshlarning iste’dodini ro‘yobga chiqarish, ularni san’at va madaniyatga keng jalb etish bo‘yicha olib borilayotgan ishlar ijobiy baholanib, faoliyat samaradorligini yanada oshirish yuzasidan tegishli tavsiyalar berildi.

Yosh avlodni ma’naviy barkamol etib tarbiyalash, milliy san’at va madaniyatga mehr ruhida voyaga yetkazish borasidagi ishlar izchil davom ettirilmoqda.