Korrupsiyaga qarshi kurashish bo‘yicha davra suhbati o‘tkazildi

Termiz tuman Majburiy ijro byurosida byuro xodimlari ishtirokida korrupsiyaning oldini olish, korrupsiyaviy holatlarga yo‘l qo‘ymaslik va xodimlarning huquqiy madaniyatini oshirishga bag‘ishlangan davra suhbati o‘tkazildi.

Tadbirda Xalq deputatlari Termiz tuman Kengashi raisi S. Nazarov, tuman prokurorining o‘rinbosari S. Bekpo‘latov hamda tuman Kengashi deputati K. Abdullayeva ishtirok etdi.

Davra suhbatida xizmat vazifalarini bajarishda qonuniylik, xolislik va halollik tamoyillariga rioya qilish, manfaatlar to‘qnashuvining oldini olish, fuqarolar bilan ishlashda shaffoflikni ta’minlash hamda korrupsiyaga oid huquqbuzarliklarning oldini olish masalalari muhokama qilindi.

Shuningdek, korrupsiyaviy holatlarning kelib chiqishiga sabab bo‘luvchi omillar va ularni bartaraf etish choralari yuzasidan fikr-mulohazalar almashildi.

Tadbir yakunida byuro xodimlariga xizmat faoliyatida korrupsiyaga qarshi kurashish talablariga qat’iy rioya etish, fuqarolar murojaatlari bilan ishlashda mas’uliyat va shaffoflikni ta’minlash bo‘yicha tegishli tavsiyalar berildi.