Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat Y.Narbekov tumanning “Aydarali” mahallasiga biriktirilgan ijtimoiy xodim M.Userova ishtirokida mahallada nogironligi bo‘lgan D.Aydarkulov va E.Yuzbayev xonadonlarida bo‘lib, davlat tomonidan berilgan imtiyozlarni qo‘llanilish holatlarini o‘rgandi.

🔻O‘rganish davomida fuqarolar bilan ochiq muloqot o‘tkazilib, ularga ajratilayotgan ijtimoiy ko‘maklar, mavjud imtiyozlardan foydalanish imkoniyatlari hamda ijtimoiy xizmatlarni olish jarayonlari yuzasidan fikrlari o‘rganildi. Shuningdek, fuqarolarning mavjud ehtiyojlari, ularga biriktirilgan ijtimoiy xizmatlar va amalga oshirilayotgan manzilli ko‘maklar holati ham ko‘rib chiqildi. O‘rganish natijasida tashrif buyurilgan xonadonlarda nogironligi bo‘lgan fuqarolarning murojaatlari va ehtiyojlari bilan bog‘liq yechimini kutayotgan muammolar aniqlanmadi.

🔻Muloqot jarayonida fuqarolarga o‘zlariga tegishli ijtimoiy imtiyoz va xizmatlardan belgilangan tartibda foydalanish, zarur holatlarda mas’ul tashkilotlarga murojaat qilish tartibi bo‘yicha tushuntirishlar berildi. Deputat tomonidan nogironligi bo‘lgan fuqarolarni ijtimoiy qo‘llab-quvvatlash, ularning huquq va manfaatlarini ta’minlash, jamiyat hayotida faol ishtirok etishi uchun zarur sharoitlarni yaratish masalalari doimiy e’tiborda bo‘lishi ta’kidlandi.