Xalq deputatlari Chilonzor tumani Kengashi deputati Xidiyatulina Rima Rashitovna tomonidan Lutfiy mahallasida yangi o‘rnatilayotgan bolalar maydonchasida o‘rganish ishlari olib borildi.
O‘rganish davomida bolalar maydonchasini o‘rnatish jarayoni, bajarilgan ishlar va hududning obodonlashtirish holati bilan tanishildi. Hozirgi vaqtda maydonchada rezina qoplama yotqizish, yakuniy obodonlashtirish va ayrim qurilish-montaj ishlarini bajarish lozimligi aniqlandi.
Deputat tomonidan bolalar maydonchasiga zarba yutuvchi, xavfsizlik talablariga javob beradigan rezina qoplama o‘rnatish, o‘rnatilayotgan jihozlarning mustahkamligi va xavfsizlik holatini ta’minlash, qurilish-montaj ishlarini sifatli va belgilangan muddatlarda yakunlash, hududni obodonlashtirish hamda sanitariya-gigiyena talablariga rioya etish yuzasidan tegishli tavsiyalar va takliflar berildi.
Shuningdek, bolalar uchun qulay, xavfsiz va zamonaviy dam olish muhitini yaratish, amalga oshirilayotgan ishlarning sifatini ta’minlash masalalariga alohida e’tibor qaratildi.