#Deputatlik_faoliyati #24_ta_tavsiyaviy_savol #haftalik_ish_reja_ijrosi #deputat_qabuli

KO‘KCHA OQTEPA MAHALLASIDA AHOLI BANDLIGI VA KAMBAG‘ALLIKNI QISQARTIRISH MASALALARI O‘RGANILDI

📈 Uchtepa tumanida aholi bandligini ta’minlash, fuqarolarning daromad manbalarini kengaytirish hamda kambag‘allikni qisqartirishga qaratilgan ishlar deputatlik nazorati doirasida izchil o‘rganib borilmoqda.

🇺🇿 Xalq deputatlari Uchtepa tumani Kengashining “8-Ko‘kcha-Oqtepa” saylov okrugi deputati Sabitjon Imamov hamda Kengash deputati, tuman hokimi Bunyod Mamadjanov boshchiligida “Ko‘kcha Oqtepa” mahallasida aholi bilan navbatdagi uchrashuv tashkil etildi.

🕯 Aholi bilan bevosita muloqot davomida hududdagi bandlik masalalari, daromadi past oilalarni qo‘llab-quvvatlash, ishsiz fuqarolarni doimiy va mavsumiy ish o‘rinlariga jalb etish, shuningdek, tadbirkorlik faoliyatini yo‘lga qo‘yish uchun mavjud imkoniyatlardan samarali foydalanish masalalariga alohida e’tibor qaratildi.

🤝 Deputatlik faoliyatining muhim yo‘nalishlaridan biri — fuqarolar murojaatlarini joyida tinglash va ularning amaliy yechimiga ko‘maklashishdir. Shu nuqtayi nazardan, uchrashuv davomida fuqarolar tomonidan bildirilgan taklif va murojaatlar atroflicha eshitildi.

⚙️ Murojaatlarda ko‘tarilgan masalalar bo‘yicha mas’ullarga tegishli vazifalar belgilab berilib, ularning ijrosini nazorat qilish, fuqarolarga amaliy ko‘mak ko‘rsatish va mavjud imkoniyatlardan samarali foydalanish yuzasidan kelishib olindi.

📈 Deputatlik nazoratining mazmuni — muammoni faqat aniqlash emas, balki uning yechimini izlash va natijasini kuzatib borishdir. Shu ma’noda, mahallalarda aholi bilan muntazam uchrashuvlar o‘tkazish fuqarolarning bandligini ta’minlash, oilalar daromadini oshirish va ijtimoiy muammolarni manzilli hal etishda muhim ahamiyat kasb etadi.