BOLALARNI ZARARLI AXBOROTDAN HIMOYA QILISH BO‘YICHA O‘RGANISH
Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan bolalarni ularning sog‘lig‘iga zarar yetkazuvchi axborotdan himoya qilish yo‘nalishida deputatlik nazorati olib borilmoqda.
📌 O‘zbekiston Respublikasi Vazirlar Mahkamasining 2018-yil 22-oktabrdagi 848-son qarori talablari ijrosi doirasida tumanda mazkur yo‘nalishda amalga oshirilgan ishlarni o‘rganish maqsadida tuman hokimining o‘rinbosari S. Xamrayevga rasmiy xat yuborildi.
Rasmiy xatda tumanda mazkur yo‘nalishda amalga oshirilayotgan nazorat va profilaktik ishlar haqida ma’lumot taqdim etish so‘ralgan.
📋 Taqdim etiladigan ma’lumotlar doimiy komissiya tomonidan o‘rganilib, aniqlangan muammo va kamchiliklar yuzasidan takliflar ishlab chiqiladi.
Deputatlik nazoratining asosiy maqsadi — bolalar uchun xavfsiz axborot muhitini ta’minlash bo‘yicha amaliy choralarni kuchaytirish.