#poytaxtdeputatlari #deputatlik_faoliyati

❗️Mahalliy Kengashlar faoliyatini samarali tashkil etish va media faollikni kuchaytirish masalalari muhokama qilindi

🏛 Xalq deputatlari Toshkent shahar Kengashi kotibiyati mudiri Davronbek Ravshanbekov boshchiligida tuman Kengashlari kotibiyat mudirlari hamda bosh mutaxassislari ishtirokida yig‘ilish o‘tkazildi.

📝 Yig‘ilishda mahalliy Kengashlar faoliyatini yanada takomillashtirish, Senat qarorlarining joylardagi ijrosini ta’minlash, deputatlik nazorati va ijro intizomini kuchaytirish, deputatlarning saylov okruglaridagi faoliyatini tizimli tashkil etish masalalari muhokama qilindi.

📂 Deputatlik so‘rovlarini tayyorlash va ularning ijrosini nazorat qilish, doimiy komissiyalar faoliyatini namunaviy shaklda yuritish, sessiyalarni belgilangan reglament asosida tashkil etish hamda sessiya kun tartibidagi masalalarni deputatlar tomonidan oldindan hududlarga chiqib o‘rganish bo‘yicha tegishli tavsiyalar berildi.

🔍 Shuningdek, deputatlar faoliyatini samarali tashkil etish maqsadida ishlab chiqilgan 24 ta tavsiyaviy savol va 162 ta muhim qonun asosida ishlarni yo‘lga qo‘yish, hududlardagi o‘rganishlarda “Ko‘chama-ko‘cha deputat daftari”dan samarali foydalanish, aniqlangan muammo va takliflarni foto, video hamda boshqa dalillar asosida rasmiylashtirish muhimligi qayd etildi.

🔺 Yig‘ilishda media yo‘nalishidagi ishlarni kuchaytirishga ham alohida e’tibor qaratildi. Deputatlarning hududlardagi faoliyati, deputatlik so‘rovlari natijalari, tashabbuslari va aholi manfaatlari yo‘lida amalga oshirayotgan ishlarini rasmiy ijtimoiy tarmoqlar bilan bir qatorda mahalliy va respublika OAVlarida keng yoritish zarurligi ta’kidlandi.

🎙 Xususan, deputatlarning dolzarb masalalar yuzasidan televideniye, radio va internet nashrlariga intervyular berishi, ekspertlik fikrlarini bildirishi, tahliliy maqolalar tayyorlashi, shuningdek, ularni mahalliy hamda xorijiy nashrlarda e’lon qilish bo‘yicha media faollikni oshirish masalalari ko‘rib chiqildi.

📊 Tuman Kengashlarining ijtimoiy tarmoqlardagi faolligi, e’lon qilinayotgan materiallarning soni va sifati ham tahlil qilinib, deputatlar faoliyatiga oid postlar, intervyular, maqolalar, videolavhalar va reportajlarni ko‘paytirish, amalga oshirilayotgan ishlarni keng va tezkor yoritish bo‘yicha tavsiyalar berildi.

🗣 Yig‘ilish yakunida Davronbek Ravshanbekov tomonidan deputatlar bilan ishlash tizimini takomillashtirish, kotibiyatlarning tashkiliy-uslubiy ko‘magini kuchaytirish, hududlardagi muammolarni manzilli hal etish hamda deputatlarning media maydonidagi faolligini yanada oshirish bo‘yicha tegishli ko‘rsatmalar berildi.

📱 Telegram 📱 Instagram 📱 Facebook 📱 YouTube 🔎 E-kengash