“15-Hamza” saylov okrugi deputati Imomnazarov Komiljon Qosimovich tomonidan o‘z saylov okrugidagi “Begobod” mahallasi hududida joylashgan 48-umumiy o‘rta ta’lim maktabida o‘rganish o‘tkazildi.

O‘rganish davomida maktabda 150 nafar o‘quvchi uchun stol va stullar yetishmasligi aniqlandi. Mazkur holat yuzasidan maktabdagi mavjud jihozlar holatini o‘rganish hamda yetishmayotgan stol va stullar bilan ta’minlash zarurati qayd etildi.

Aniqlangan muammoni bartaraf etish, 150 nafar o‘quvchi uchun zarur stol va stullarni ajratish hamda yetkazib berish choralarini ko‘rish maqsadida tumandagi tegishli mansabdor shaxslarga deputat so‘rovi yuborildi.

Deputat so‘roviga beriladigan javob va ko‘riladigan amaliy choralar deputat nazoratiga olinadi.