Unda O‘zbekiston Respublikasi Prezidentining 2025-yil 20-oktabrdagi PF–185-sonli “Aholi va hududlarni favqulodda vaziyatlardan ishonchli muhofaza qilish sohasini sifat jihatidan yangi bosqichga ko‘tarish to‘g‘risida”gi Farmoni ijrosi doirasida Termiz shahrida amalga oshirilayotgan ishlar atroflicha muhokama qilinmoqda.

📌 Kun tartibidagi asosiy masala — 2026-yilning I choragi davomida favqulodda vaziyatlarning oldini olish, yong‘in xavfsizligini ta’minlash, aholi va hududlarni muhofaza qilish hamda sohaga oid tizimli chora-tadbirlarning samaradorligini tahlil qilishdan iborat bo‘ldi.

💬 Yig‘ilish davomida shahar Favqulodda vaziyatlar bo‘limi boshlig‘i tomonidan hisobot taqdim etilib, unda:
▶️ yong‘in xavfsizligini ta’minlash bo‘yicha olib borilgan profilaktik tadbirlar;
▶️aholi o‘rtasida targ‘ibot va tushuntirish ishlari;
▶️ favqulodda holatlarga tezkor javob berish tizimi;
▶️ mavjud muammolar va ularni bartaraf etish choralari yuzasidan batafsil ma’lumot berildi.

💬 Muhokamalar davomida doimiy komissiya a’zolari tomonidan sohaga oid mavjud muammolar, hududlarda xavfsizlik infratuzilmasini mustahkamlash, aholi xabardorligini oshirish hamda favqulodda vaziyatlarning oldini olish bo‘yicha amaliy takliflar ilgari surildi.

💬 Shuningdek, mas’ul tashkilotlarga yong‘in xavfsizligi qoidalariga rioya etilishi ustidan nazoratni kuchaytirish, ijtimoiy soha obyektlari va ko‘p qavatli uy-joylarda profilaktik o‘rganishlarni davom ettirish yuzasidan tegishli tavsiyalar berildi.

✔️Yig‘ilish yakunida mazkur masalani xalq deputatlari Termiz shahar Kengashining navbatdagi sessiyasi kun tartibiga kiritish bo‘yicha tegishli qaror qabul qilindi.

🫥Mas’ullar:
Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi — A. Mustafakulov.

Kotibiyat bosh mutaxassisi — R. Mamashukurov.