ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ депутати Абдуллаев Хуснимухаммад Нурмухаммедович томонидан сайлов округида жойлашган маҳаллада оилавий келишмовчиликларни бартараф этиш мақсадида яраштириш суҳбатида иштирок этилди.

📌 Суҳбат жараёнида маҳалла фаоллари, нуронийлар ва мутасаддилар иштирокида оилалар ўртасида юзага келган муаммолар муҳокама қилиниб, томонларни ўзаро аҳиллик ва ҳамжиҳатликка чақириш бўйича тушунтириш ишлари олиб борилди.

🤝 Олиб борилган мулоқот ва яраштириш ишлари натижасида икки оила ўзаро келишувга эришиб, оилалар яраштирилди.

✅ Жамиятда соғлом маънавий муҳитни шакллантириш, оилалар мустаҳкамлигини таъминлаш ҳамда фуқаролар ўртасида ўзаро ҳурмат ва тотувликни қарор топтириш йўлида бундай ишлар муҳим аҳамият касб этади.