Xalq deputatlari Qo‘qon shahar Kengashining “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha” doimiy komissiyasining navbatdagi yig'ilishi bo'lib o'tdi.

Doimiy komissiya yig'ilishi kun tartibida “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonun ijrosi bo‘yicha amalga oshirilayotgan ishlar masalasida shahar Kadastr agentligini mas’ul xodimi J.Raximovning xisoboti ko‘rib chiqildi.

“O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonun ijrosini ta'minlash bo‘yicha Qo‘qon shahrida 2025-yil va 2026-yilning o'tgan davrida jami 22 ta mahalla fuqarolar yig'inida hatlov ishlari o'tkazilganligi hamda 5510 ta honadonlar hatlovi bo'yicha ularda qurilgan binolar va inshootlarga bo‘lgan huquqlarni e’tirof etilib kadastr hujjatlari rasmiylashtirilganligi ta’kidlab o’tildi. 

Mazkur masala komissiya a’zolari va mas’ullar tomonidan atroflicha muxokama etilib, Xalq deputatlari shahar Kengashining Kengashining “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha” doimiy komissiyasining qarori qabul qilindi.