Tuman kengashi deputati 11-Toshrabot saylov okrugi deputati Mahbuba Umurova tuman tibbiyot birlashmasiga qarashli 39-OP ni aholidan kelib tushayotgan murojaatlar asosida dorixonalardagi narx-navo, bepul tarqatiladigan dori vositalari ro‘yxati va ularning saqlash holati bo‘yicha monitoring olib bormoqda. Aniqlangan kamchiliklar yuzasidan mutasaddi tashkilotlarga deputatlik so‘rovlari yuborilib, muammolarni hal etish choralari ko‘rilmoqda.

Xulosa qilib aytganda, aholiga tibbiy xizmat ko‘rsatish sifati va bepul dori-darmon bilan ta’minlash masalalarini deputatlar tomonidan nazorat qilinishi soha samaradorligini oshirishga xizmat qiladi. Bu esa fuqarolar salomatligini mustahkamlash, ijtimoiy adolatni ta’minlash va tibbiyot tizimiga bo‘lgan ishonchni yanada kuchaytirishga zamin yaratadi.