Xalq deputatlari Oltinsoy tuman Kengashi deputati, Kengash kotibiyati mudiri M.Xujanov tomonidan tumanning “Chep” mahallasi Degriz qishlog‘ida o‘rganish ishlari amalga oshirildi. 

O‘rganish jarayonida mazkur mahalladagi aholi yashash hududi hamda maktabga olib boruvchi yo‘lning holati joyiga chiqib ko‘zdan kechirildi va mavjud kamchiliklar aniqlandi. Aniqlangan muammolar yuzasidan tegishli tashkilotlarga deputatlik
so‘rovi yuborildi. 

Deputatlik so‘rovi ijrosi qisqa muddatda ta’minlanib, mahalladagi aholi yashash hududi va maktabga olib boruvchi yo‘lning 1 kilometr qismida toshlash (shag‘allash) ishlari amalga oshirilmoqda. Yaqin kunlarda ushbu yo‘lda asfaltlash ishlari ham
bajarilishi rejalashtirilgan. 

Mazkur chora-tadbirlar hududda harakat xavfsizligini ta’minlash, o‘quvchilar hamda fuqarolar uchun qulay va xavfsiz sharoit yaratishga xizmat qiladi. 

Oltinsoy tumani Kengashi kotibiyati Axborot xizmati