Tuman Kengashida doimiy komissiyalar raislari yig‘ilishi o‘tkazildi 

Xalq deputatlari Quva tuman Kengashi doimiy komissiyalari
raislarining navbatdagi yig‘ilish o‘tkazildi. Yig‘ilishda O‘zbekiston Respublikasi
Prezidenti Shavkat Mirziyoevning Oliy Majlis va O‘zbekiston xalqiga Murojaatnomasi, shuningdek, O‘zbekiston Respublikasi
Oliy Majlis Senatining o‘n ikkinchi yalpi majlisida ko‘rib chiqilgan asosiy masalalar
va qonunchilikdagi yangiliklarni, jamoat tashkilotlari bilan hamkorlikda, aholi
o‘rtasida targ‘ibotini kuchaytirish, ularning ijtimoiy va huquqiy savodxonligini
oshirish masalalari muhokama qilindi. 

Yig‘ilishda komissiya raislari tomonidan ushbu masalalar
bo‘yicha aniq vazifalar belgilab olindi, jumladan: 

aholi o‘rtasida Prezident murojaatnomasi mazmunini
keng yoritish va tushuntirish ishlarini olib borishni jadallashtirish; 

Senatning yalpi majlisda ko‘rib chiqilgan qonun
va tashabbuslarni aholiga tushunarli tarzda yetkazish; 

mahallada jamoat tashkilotlari, mahalla fuqarolar
yig‘ini va nodavlat notijorat tashkilotlari bilan birgalikda targ‘ibot tadbirlarini
tashkil qilish. 

Yig‘ilish yakunida komissiyalar rahbarlari aholi
bilan ochiq muloqotlar o‘tkazish, uchrashuv va seminarlarda faol ishtirok etish
orqali bu vazifalarni samarali amalga oshirishga qaratilgan rejalarini taqdim etdilar.