Oʻzbekiston Respublikasi Prezidentining farmoni “Aholi salomatligi va millat genofondini giyohvandlik hamda narkojinoyatlardan samarali himoya qilish bo‘yicha kompleks chora-tadbirlar toʻgʻrisida” 207-sonli Farmoni mazmun-mohiyatini talaba-yoshlarga yetkazish maqsadida targʻibot-tushuntirish ishlari tashkil etildi.

Mazkur tadbirda O‘zbekiston Ekologik partiyasi Xalq deputatlari Olmazor tuman Kengashi deputati fakultet dekani Feruza Salomova soʻzga chiqib, Farmonda belgilab berilgan ustuvor vazifalar, giyohvandlik va narkojinoyatchilikka qarshi kurashning davlat siyosatidagi oʻrni, yoshlar salomatligini asrash hamda sogʻlom turmush tarzini shakllantirish borasidagi muhim jihatlarga atroflicha toʻxtalib oʻtdi. Shuningdek, talabalar orasida turli zararli illatlarning oldini olish, tibbiy profilaktikaning ahamiyati, jamiyatda sogʻlom muhitni qaror toptirishda yoshlarning masʼuliyati keng yoritildi. Shuningdek Yoshlar bilan ishlash bo’yicha dekan o’rin bosari A.A.Razzoqov Toshkent davlat tibbiyot universiteti rektorining ota-onalar hamda talaba yoshlarga murojaatini o’qib eshitirdi, hamda mazmun mohiyatani tushuntirib berdi.

Tadbir davomida talabalarga Farmon mazmuni yuzasidan batafsil tushunchalar berilib, ularning fikr-mulohazalari tinglandi hamda mavzu yuzasidan savol-javoblar tashkil etildi. Mazkur uchrashuv yoshlar ongida giyohvandlikka nisbatan murosasiz munosabatni shakllantirish, sogʻlom avlod tarbiyasini taʼminlash hamda jamoatchilik faolligini oshirishda muhim ahamiyat kasb etdi