O‘zbekiston Respublikasi Prezidentining 2025-yil 30-yanvardagi PF- 17-sonli farmoni ijrosini ta’minlash maqsadida Xalq deputatlari Bekobod shahar kengashi deputati J.Kamolxodjayev “Saxovat karvoni”da faol ishtirok etdi. Mamlakatimizda aholining ijtimoiy himoyaga muhtoj qatlamlarini davlat ijtimoiy qo‘llab-quvvatlash choralari bilan qamrab olish, ijtimoiy yordam va xizmatlar ko‘rsatishning ijtimoiy adolat mezoniga asoslangan shaffof va raqamlashtirilgan yangi tizimini joriy etish bo‘yicha tizimli islohotlar amalga oshirilmoqda. “Kambag‘allikdan farovonlik sari” dasturi doirasida har bir fuqaroni o‘zi va farzandlari kelajagi uchun mas’uliyat bilan yondashishga undaydigan va salohiyatini ro‘yobga chiqarish uchun imkoniyat yaratish hamda ijtimoiy xizmat va yordam ko‘rsatish ko‘lamini kengaytirish orqali oilalarning mehnat qilish imkoniyatini cheklovchi sabablarni bartaraf etishga alohida e’tibor qaratilmoqda. Shundan kelib chiqqan holda Al-Xorazmiy mahallasidagi ehtiyojmand oilalarga xayr-saxovat tadbirlari amalga oshirildi.