Xalq deputatlari Bekobod shahar kengashi deputati U.Abdunazarov tomonidan “Yangihayot” saylov okrugida joylashgan 18-sonli umumta’lim maktabida 2025-2026-o‘quv yili uchun kuz-qish mavsumiga tayyorgarlik holati o‘rganildi. O‘rganish jarayonida maktab hududida 4 ta isitish qozonlari bo‘lib, barchasi soz holatga keltirilganligi ma’lum bo‘ldi. Tashqi trubalarni izolyatsiyasi
bo‘yicha kamchiliklarni bartaraf etish yuzasidan shahar Maktabgacha va maktab ta’limi bo‘limiga murojaat etildi va ijrosi nazoratga olindi. Shuningdek, maktabga kirish qismi tomonidan kanalizatsiya yangi tarmog‘i tortilgan bo‘lib, usti asfalt qoplamasi bilan yopilmaganligi bois yog‘ingarchilik vaqtida loy va noqulayliklar keltirib chiqarishini inobatga olib, ijrochiga tez kunda muammoni hal etish yuzasidan deputatlik murojaati bilan chiqildi.