Parkent tumani Nevich qishlog'i "Tashabbusli budjet" ning yo'l qurilishi loyihasida g'olib bo'lib, asfaltlash ishlarining ba'zi joylari sifatsizligi masalasida e`tirozlar kelib tushgan edi va murojaat yuzasidan Xalq deputatlari Toshkent viloyati Kengashi deputati Muxsiddin Nizomiddinov tomonidan o'rganish ishlarini olib borildi. 

 O‘rganish jarayonida yo‘l infratuzilmasiga oid bir qator kamchiliklar aniqlanib, ularni bartaraf etish yuzasidan tegishli tartibda muhokamalar olib borildi. Aniqlangan kamchiliklar 15 (o‘n besh) kun muddatda pudratchi qurilish tashkilotlari tomonidan bartaraf etilishi bo‘yicha kelishuvga erishildi. O‘rganish natijalariga ko‘ra, aniqlangan holatlar bo‘yicha zarur chora-tadbirlar belgilab olindi va ijrosi yuzasidan Xalq deputatlari Toshkent viloyati Kengashi deputati tomonidan nazoratiga olindi.