📍Xalq deputatlari Ishtixon tumani Kengashi deputati F. Abdurazzaqov tomonidan viloyat ishchi guruhi va televideniye vakillari bilan hamkorlikda tumanda aholini sifatli sut va go‘sht mahsulotlari bilan ta’minlash, shuningdek chorvachilik sohasini rivojlantirish holati yuzasidan monitoring ishlari olib borilmoqda.

🔍 Tashrif davomida mahalliy fermer xo‘jaliklari, chorvachilik bilan shug‘ullanayotgan oilaviy tadbirkorlar, kooperatsiyalar va go‘sht-sut mahsulotlarini qayta ishlovchi kichik korxonalar faoliyati o‘rganilmoqda.

🟢 Monitoring jarayonida:

yetishtirilayotgan mahsulotlar sifati;

veterinariya va sanitariya talablariga rioya qilinishi;

bozorlarda aholiga yetkazilayotgan mahsulot narxi va sifati;

subsidiya, imtiyozli kreditlardan foydalanish holati;

yoshlarning chorvachilikka jalb etilishi kabi jihatlarga alohida e’tibor qaratilmoqda.

🗣 Deputat F. Abdurazzaqov o‘z chiqishida ushbu soha aholining oziq-ovqat xavfsizligini ta’minlashda beqiyos o‘ringa ega ekanini ta’kidlab, mavjud muammolar bo‘yicha tegishli tashkilotlarga deputatlik so‘rovlari tayyorlash tashabbusi bilan chiqdi.

🎥 Mazkur monitoring jarayonlari OAV, xususan viloyat televideniyesi orqali ham yoritilmoqda va bu orqali aholining muammo va takliflarini ochiq-oshkora yetkazish imkoniyati yaratilmoqda.

✅ Chorvachilikni rivojlantirish — bu nafaqat iqtisodiy barqarorlik, balki xalq salomatligi va turmush darajasini oshirishning muhim omilidir.