Xalq deputatlari Qo‘qon shahar Kengashiga 3-“Achchiqko'l” saylov okrugidan saylangan deputat M.Mavlonqulov tomonidan “Uzumzor” mahalla fuqarolar yig‘inida mahalla yettiligi bilan hamkorlikda ijtimoiy reyestrga kiritilgan oilalarning ijtimoiy-maishiy holati o‘rganildi.

O‘rganish davomida Gullola ko‘chasi 5-tor, 5-xonadonda yashovchi Sh.Mamajonov xonadoniga tashrif buyurilib, oilaning yashash sharoiti va ijtimoiy ahvoli bilan yaqindan tanishildi.

O‘rganish jarayonida oilada 1 nafar farzand nogironlik nafaqasi olayotgani, oila boshlig‘i esa kunlik mehnat faoliyati orqali daromad topayotgani ma’lum bo‘ldi.

Xonadonning mavjud sharoiti o‘rganilganda, oilada chorva boqish uchun yetarli imkoniyat mavjudligi aniqlandi. Shu bois oilaning doimiy daromadini oshirish, qo‘shimcha daromad manbaini yaratish hamda kelgusida oilani kambag‘allikdan chiqarishga ko‘maklashish maqsadida xonadonni chorvachilik faoliyatiga yo‘naltirish masalasi muhokama qilindi.

Mazkur yo‘nalishda oilaga amaliy yordam ko‘rsatish, chorva boqish imkoniyatlaridan samarali foydalanish hamda qo‘shimcha daromad manbaiga ega bo‘lishiga ko‘maklashish yuzasidan mahalla yettiligiga tegishli topshiriqlar berildi.

Oila holati deputat tomonidan nazoratga olinib, belgilangan chora-tadbirlarning ijrosi hamda xonadonning daromadlarini oshirish borasidagi ishlar monitoring qilib boriladi.

Xalq deputatlari Qo‘qon shahar Kengashi