Uchrashuvlar davomida xotin-qizlarning mehnat bilan bandligini oshirish, kasb-hunarga yo‘naltirish, tadbirkorlik faoliyatini boshlash uchun yaratilayotgan imkoniyatlar hamda davlat tomonidan ko‘rsatilayotgan qo‘llab-quvvatlash mexanizmlari yuzasidan tushuntirishlar berildi.

Shuningdek, O‘zbekiston Respublikasi Prezidentining “Ayollar va bolalar huquqlarining himoyasini kuchaytirish hamda ularga nisbatan tazyiq va zo‘ravonlik holatlarining oldini olish bo‘yicha qo‘shimcha tashkiliy-huquqiy chora-tadbirlar to‘g‘risida”gi Farmonining mazmun-mohiyati keng targ‘ib qilinib, fuqarolarning huquqiy xabardorligini oshirishga qaratilgan tavsiyalar berildi.

Ta’kidlanganidek, bu kabi uchrashuvlar xotin-qizlarning huquq va manfaatlarini himoya qilish, oilalarda sog‘lom ijtimoiy muhitni mustahkamlash, zo‘ravonlikning oldini olish hamda mahallalarda huquqiy madaniyatni yuksaltirishda muhim ahamiyat kasb etadi.

️ Xalq deputatlari Samarqand shahar Kengashi