Deputat saylaw okruginde kóshe-kóshe júrip, xalıqtıń mashqalaların úyrendi

Xalıq deputatları rayonlıq Keńesi sekretariat baslıǵı M.Zarikeev hám 7-sanlı “Tazajol” saylaw okrugi deputatı A.Sultanbaev óziniń saylaw okruginde bolıp, aymaqtı kósheden-kóshe aylanıp, xalıq penen tikkeley pikirlesti hám puqaralardı qıynap kiyatırǵan áhmietli mashqalalardı úyrendi.

Úyreniw procesinde jol hám ishki kóshelerdiń jaǵdayı, ishimlik suwı, elektr energiyası, gaz támiynatı, abadanlastırıw, kommunallıq xızmetler hám sociallıq tarawǵa baylanıslı máseleler boyınsha puqaralardıń múrájat hám usınısları tıńlandı.

Deputat tárepinen kóterilgen mashqalalardı sheshiw boyınsha tiyisli shólkemler menen birgelikte ámeliy ilajlar kóriw, olardı deputatlıq qadaǵalaw tiykarında basqıshpa-basqısh saplastırıw boyınsha juwapkerlerge tiyisli usınıslar berildi.

Aymaqtaǵı bar mashqalalardı úyreniw hám olardıń sheshimin támiyinlewge qaratılǵan bunday ushırasıwlar turaqlı túrde dawam ettiriletuǵını atap ótildi.