Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Xalq demokratik partiyasidan saylangan deputat S.Madjitov tumanning “Birlik” mahallasi Uchtosh ko‘chasida istiqomat qiluvchi fuqarolarning ichki yo‘llarni asfaltlashtirishdagi kamchiliklar yuzasidan bildirgan murojaatlarini joyiga chiqqan holda o‘rgandi.

🔺O‘rganish davomida mazkur ko‘cha 2026-yilning 1-mavsumida “Ochiq budjet” loyihasi doirasida asfaltlashtirish taklifi bo‘yicha g‘olib deb topilganligi hamda yo‘lning ayrim qismlarida qurilish sifati talab darajasida emasligi, ayrim texnologik talablarga to‘liq rioya qilinmaganligi aniqlandi.

🔺Deputat tomonidan fuqarolarning fikr va takliflari tinglanib, aniqlangan kamchiliklar yuzasidan mas’ullar ishtirokida muhokama o‘tkazildi va pudratchi tashkilot vakillari bildirilgan e’tirozlarni inobatga olishlarini hamda aniqlangan kamchiliklarni qisqa muddatlarda bartaraf etishlarini ma’lum qildilar.