Toyloq tumani O‘rtaqishloq mahallasida yashovchi, 2022-yilda tug‘ilgan Hadichabonu Ismoilovaga yurakning tug‘ma nuqsoni — bo‘lmachalararo to‘siq defekti tashxisi qo‘yilib, jarrohlik amaliyoti tavsiya etilgan edi.

Yurtimizda inson qadri va salomatligini ta’minlashga qaratilgan ezgu tashabbuslar doirasida Hadichabonu uchun bepul operatsiya o‘tkazish imkonini beruvchi vaucher ajratildi.

Shu munosabat bilan Toyloq tumani hokimi, tuman Kengashi deputati Behzod Raxmatullayev, tuman Kengashi deputati Aduxalil Mamadiyev hamda mutasaddilar qizaloq xonadonida bo‘lib, uning holidan xabar oldilar va ajratilgan vaucherni tantanali ravishda topshirdilar.

Mazkur ko‘mak Hadichabonuning sog‘lig‘ini tiklash, uning baxtli va sog‘lom kelajagi yo‘lidagi muhim qadam bo‘lib xizmat qiladi.
✅Bizni kuzatib boring: 👇
|📲 Telegram | 💻Facebook