Toza ichimlik suvi — aholi farovonligining muhim omili!

Xalq deputatlari Baxmal tumani Kengashi deputati N.Abdaxatov tashabbusi bilan Baxmal mahalla fuqarolar yig‘ini To‘rtol qishlog‘ini toza ichimlik suvi bilan ta’minlash maqsadida amalga oshirilayotgan ichimlik suvi tarmog‘ini tortish ishlari joyiga chiqib o‘rganildi.
O‘rganish davomida qurilish-montaj ishlarining borishi, loyihaning sifatli va belgilangan muddatlarda bajarilishi yuzasidan deputatlik nazorati amalga oshirildi. Mas’ullarga ishlarni yuqori sifatda tashkil etish hamda aholini tez fursatda toza ichimlik suvi bilan ta’minlash bo‘yicha tegishli tavsiya va topshiriqlar berildi.
Mazkur tashabbus aholining hayot sifati va turmush sharoitini yanada yaxshilashga xizmat qiladi.