Suhbat davomida mahalladagi mavjud muammolar, deputatlar faolligi, fuqarolar murojaatlari bilan ishlash holati hamda ularni tegishli tashkilotlar bilan hamkorlikda hal etish masalalari muhokama qilindi.

Mazkur suhbat deputatlik faoliyatining asosiy 24 ta savolnomasi doirasida tashkil etilib, mahalladagi ijtimoiy, kommunal, obodonlashtirish, yo‘l infratuzilmasi, yoshlar, xotin-qizlar va aholi murojaatlari bilan ishlash yo‘nalishlari bo‘yicha mavjud holat o‘rganildi.

Ushbu jarayon “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, “Jismoniy va yuridik shaxslarning murojaatlari to‘g‘risida”gi Qonun, “Fuqarolarning o‘zini o‘zi boshqarish organlari to‘g‘risida”gi Qonun hamda “Mahalliy davlat hokimiyati to‘g‘risida”gi Qonunda belgilangan vazifalar ijrosiga muvofiq amalga oshirildi.

Aniqlangan masalalarni qonuniy tartibda o‘rganish, zarur hollarda tegishli tashkilotlarga deputatlik so‘rovlari kiritish hamda ijrosi ustidan deputatlik nazoratini olib borish yuzasidan vazifalar belgilab olindi.

✅ Buyuk Turon mahallasida aholi murojaatlarini o‘rganish, mahalla bilan hamkorlikni kuchaytirish va mavjud muammolarni manzilli hal etish bo‘yicha deputatlik faoliyati davom ettirilmoqda.