Xalq deputatlari Oltinsoy tuman Kengashining 162 ta qonun va 24 ta tavsiyalar ijrosini ta’minlash yuzasidan tasdiqlangan nazorat rejasiga muvofiq, “Qoratepa” mahallasida joylashgan Ekobozorda deputatlik nazorati tadbiri o‘tkazildi. 

Nazorat tadbirida Xalq deputatlari Oltinsoy tuman Kengashi deputati, Kengash kotibiyati mudiri M.Xujanov, Xalq deputatlari tuman Kengashi deputati A.Mamatmuratov hamda Kengash kotibiyatining bosh mutaxassislari A.Esanov va I.Roziqov ishtirok etdilar. 

O‘rganish davomida bozorda aholi iste’moli uchun eng zarur oziq-ovqat mahsulotlari va qishloq xo‘jaligi mahsulotlarining narx-navosi, ularning yetarliligi, savdo jarayonlarining amaldagi qonunchilik talablariga muvofiqligi hamda xaridorlar uchun yaratilgan shart-sharoitlar joyiga chiqqan holda ko‘zdan kechirildi. 

Nazorat yakunlari bo‘yicha aniqlangan holatlar yuzasidan mas’ul tashkilotlar vakillariga tegishli tavsiya
va ko‘rsatmalar berildi hamda belgilangan vazifalarning ijrosi deputatlik nazoratiga olindi.