O‘rganish jarayonida murojaatda ko‘rsatilgan muammolar fuqarolar hamda mas’ul tashkilotlar vakillari ishtirokida muhokama qilinib, mavjud holat atroflicha tahlil etildi.

Ichimlik suvi ta’minotidagi kamchiliklar, ularning kelib chiqish sabablari va muammoni bartaraf etish yuzasidan amalga oshirilishi lozim bo‘lgan chora-tadbirlar belgilab olindi.

O‘rganish yakunlari bo‘yicha mutasaddi tashkilotlarga tegishli topshiriqlar berilib, murojaatda ko‘tarilgan masalaning ijobiy hal etilishi hamda ijrosi ustidan deputatlik nazorati o‘rnatilishi ta’kidlandi. Fuqarolarni sifatli ichimlik suvi bilan ta’minlash masalasi doimiy e’tiborda bo‘lishi qayd etildi.