Депутат олис чўл ҳудудидаги маҳаллада ижтимоий хизматлар ҳолатини ўрганди

Ўзбекистон Экологик партиясидан сайланган туман Кенгаши депутати Мухтар Жусипов олис чўл ҳудудида жойлашган “Баймурат” овул фуқаролар йиғинида бўлиб, маҳалладаги ижтимоий ходим фаолиятини ўрганди.

Ташриф давомида аҳолининг ижтимоий эҳтиёжманд қатламларига кўрсатилаётган хизматларни сифатли ташкил этиш, кам таъминланган оилаларга ижтимоий нафақалар ва моддий ёрдамларни тайинлаш ҳамда тўловларнинг ўз вақтида амалга оширилиши масалалари юзасидан ўрганиш ишлари олиб борилди.

Шунингдек, маҳалла фуқаролари билан мулоқот қилиниб, уларнинг муаммо ва таклифлари тингланди.

Аниқланган камчиликларни бартараф этиш, ижтимоий хизматлар сифатини янада ошириш ҳамда аҳолини қўллаб-қувватлаш чораларини кучайтириш бўйича тегишли тавсия ва кўрсатмалар берилди.

Таъкидланганидек, аҳолининг ижтимоий ҳимоясини таъминлаш, айниқса олис ҳудудларда яшовчи фуқароларга манзилли ёрдам кўрсатиш доимий эътибор марказида бўлиб қолмоқда.