📌Xalq deputatlari Oqoltin tumani Kengashi deputati J.Usmonov tomonidan Xalq deputatlari Oqoltin tumani Kengashining 28-sessiyasi kun tartibiga kiritilishi rejalashtirilgan masala yuzasidan tumandagi 15-sonli umumta’lim maktabida o‘rganish ishlari olib borildi.

🔷O‘rganish davomida ta’lim tizimini rivojlantirish, o‘quvchilar uchun yaratilgan shart-sharoitlar, ta’lim sifati va moddiy-texnik bazani mustahkamlash borasida amalga oshirilayotgan ishlar atroflicha ko‘zdan kechirildi. Shuningdek, pedagog xodimlar bilan suhbat o‘tkazilib, mavjud muammolar hamda ularni bartaraf etish yuzasidan taklif va mulohazalar tinglandi.

🔷Mazkur o‘rganish natijalari asosida ta’lim tizimidagi mavjud kamchiliklarni bartaraf etish hamda sohaga oid ishlarni yanada takomillashtirish yuzasidan tegishli takliflar ishlab chiqilishi belgilandi.