📌 Deputatlik so‘rovi yuborildi

Sherobod tumani Kengashining 25-Tallashqon saylov okrugi deputati O.Tursunov tomonidan Bog‘iobod mahallasida o‘tkazilgan deputatlik nazorati davomida fuqarolar murojaatlari o‘rganildi.

🔍 O‘rganish jarayonida “Bog‘iobod” mahallasida joylashgan Paxtaobod va Sherjon ko‘chalari hozirgi kunda ta’mirtalab holatga kelib qolgani aniqlandi.

📍 Xususan:

• Paxtaobod ko‘chasi — 6 km

• Sherjon ko‘chasi — 2 km

Jami 8 km yo‘l qoplamasini joriy ta’mirlash (yamash) zarurati mavjudligi qayd etildi.

📝 Mazkur muammoni bartaraf etish maqsadida deputat tomonidan Obodonlashtirish boshqarmasi Sherobod tuman bo‘limiga deputatlik so‘rovi yuborildi. Unda holat yuzasidan qonunchilikda belgilangan muddatlarda yozma ma’lumot taqdim etish so‘ralgan.