Yig‘ilish jarayonida kun tartibida belgilangan muhim masalalar chuqur tahlil qilinib, ular yuzasidan mas’ullar tomonidan taqdim etilgan axborot va hisobotlar ko‘rib chiqildi.

Kun tartibidagi masalalar:

O‘zbekiston Respublikasi Prezidentining 2024-yil 5-yanvardagi PQ-5-sonli qarori ijrosini ta’minlash hamda tumanda suv resurslarini boshqarish tizimini takomillashtirish to‘g‘risida tuman ”Suv yetkazib berish xizmati” davlat muassasasi direktori A.Bo`ronovning hisoboti.

Tumanda huquqbuzarliklarning oldini olish va ularning profilaktikasi holati, korrupsiyaga qarshi kurashish shuningdek, jamoat xavfsizligi yuzasidan tumanda amalga oshirilgan ishlar to‘g‘risida tuman Ichki ishlar bo‘limi boshlig‘ining hisoboti.

Tuman Davlat soliq organi rahbarining mahalliy budjet daromadlari bajarilishi holati, qo‘shimcha rezervlarni aniqlash bo‘yicha qilingan ishlar, shuningdek soliqlar va boshqa majburiy to‘lovlar kesimida budjetga hisoblangan va amalda to‘langanligi, ular bo‘yicha soliq qarzdorligi yuzasidan Tuman Davlat soliq inspeksiyasi rahbari O.Ikromovning hisoboti.

O‘zbekiston Respublikasi Prezidentining O‘zbekiston Oliy Majlisiga yo‘llagan murojaatnomadagi 5-yo‘nalishi, “Ekologik muvozanatni ta’minlash” borasida amalga oshirilgan ishlar yuzasidan Sardoba tumani Ekologiya, atrofmuhitni muhofaza qilish va iqlim o‘zgarishi bo‘limi boshlig‘I D.Egamberdiyevning hisoboti.

O‘zbekiston Respublikasi Prezidentining 2025-yil 21-apreldagi PF-71-sonli farmoni ijrosi ta’minlash yuzasidan korrupsiyani oldini olish va unga qarshi kurashish borasida amalga oshirilayotgan ishlari to‘g‘risida tuman tibbiyot birlashmasi rahbari F.Xolmatovning hisoboti to‘g‘risida

O‘zbekiston Respublikasi Prezidentining 2026-yil 5-fevraldagi “Suv resurslaridan foydalanish samaradorligini oshirish bo‘yicha qo‘shimcha chora-tadbirlar to‘g‘risida”gi PQ-47-son qarorining tumandagi ijrosi yuzasidan tuman ”Suv yetkazib berish xizmati” davlat muassasasi direktori A.Bo'ronovning hisoboti.

Yakuniy hulosa Kun tartibidagi masalalar yuzasidan tumanda huquqbuzarliklar profilaktikasi, ekologiya va korrupsiyaga qarshi kurashish borasida muayyan ishlar amalga oshirilgani qayd etildi.

Shu bilan birga, ayrim yo‘nalishlarda kamchiliklar mavjudligi sababli ijro intizomini kuchaytirish va samaradorlikni oshirish zarurligi belgilandi.

Hamda suv va boshqa resurslardan oqilona foydalanish bo‘yicha aniq vazifalar belgilab olindi.

Yig‘ilish ishtirokchilari har bir masala yuzasidan taklif va mulohazalar bildirildi.