🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq aholiga ko‘rsatilayotgan ijtimoiy xizmatlar sifatini oshirish, ayniqsa ehtiyojmand oilalarni qo‘llab-quvvatlash ishlari samaradorligini baholash maqsadida Kengash raisi O.Babayev, kotibiyat xodimi M.Tursunbayeva tomonlaridan tumanning “Birlik” mahallasiga biriktirilgan ijtimoiy xodim Y.Kasimova faoliyati o‘rganildi.

🔷O‘rganish jarayonida ijtimoiy xodim tomonidan kam ta’minlangan, nogironligi bo‘lgan shaxslar, yakka yolg‘iz qariyalar va ijtimoiy himoyaga muhtoj oilalar bilan olib borilayotgan ishlar tahlil qilindi. Shuningdek, murojaatlarni qabul qilish, ularni o‘z vaqtida ko‘rib chiqish va amaliy yordam ko‘rsatish holatiga alohida e’tibor qaratildi.

🔷Deputat tomonidan ijtimoiy xizmatlarni manzilli tashkil etish, har bir ehtiyojmand oilaning muammosini chuqur o‘rganish hamda ularga tizimli yordam ko‘rsatish bo‘yicha tegishli tavsiyalar berildi.

🔷Shu bilan birga, mas’ullarga ijtimoiy himoya tizimini yanada takomillashtirish, aholi bilan muloqotni kuchaytirish va mavjud imkoniyatlardan samarali foydalanish yuzasidan ko‘rsatmalar berildi.