Savdo markazlarida yaratilgan shart-sharoitlar, narx-navoning barqarorligi va tadbirkorlar faoliyatini qo‘llab-quvvatlash masalalari doimiy e’tiborda. Shu maqsadda xalq deputatlari Pastdarg‘om tuman Kengashi deputati S.Nurmamatova tomonidan hududdagi savdo markazlaridan birida o‘rganish ishlari olib borildi.

Jarayon davomida savdo rastalaridagi mahsulotlar sifati, sanitariya holati hamda narxlarning asosliligi ko‘zdan kechirildi. Tadbirkorlar bilan muloqot qilinib, ularni qiynayotgan muammolar tinglandi va takliflar olindi.

O‘rganish yakunida aniqlangan kamchiliklarni bartaraf etish yuzasidan tegishli tavsiyalar berildi. Bu kabi amaliy tashriflar aholiga sifatli xizmat ko‘rsatishni ta’minlash hamda tadbirkorlik faoliyatini yanada rivojlantirishga xizmat qiladi.