Xalq deputatlari tuman Kengashi deputati Aminqulov Shaxrijahon tomonidan hududdagi 3-umumta’lim maktabida mavjud infratuzilma holati atroflicha o‘rganildi. O‘rganish jarayonida, avvalo, maktabdagi sport inshootlari va sport zallarining holati, ulardan foydalanish darajasi hamda mavjud sharoitlar tahlil qilindi. Shuningdek, o‘quv jarayonining samaradorligini ta’minlashga xizmat qiluvchi sinf xonalaridagi shart-sharoitlar, xususan, zamonaviy monitorlar, interaktiv doskalar va boshqa texnik jihozlarning mavjudligi va foydalanish holatiga alohida e’tibor qaratildi. O‘rganish davomida maktab infratuzilmasining umumiy holati, o‘quvchilar va pedagoglar uchun yaratilgan qulayliklar, mavjud muammolar hamda ularni bartaraf etish yuzasidan zarur taklif va tavsiyalar ishlab chiqildi. Mazkur o‘rganishlar ta’lim sifatini yanada oshirish, o‘quvchilar uchun munosib sharoitlar yaratish hamda mavjud infratuzilmani takomillashtirishga xizmat qiladi.