Tomorqadan unumli foydalanish masalalari oʻrganildi 

Xalq deputatlari Quva tuman Kengashi raisi Z.Ashurov, kotibiyat mudiri R.Nodirov,
kotibiyat bosh mutaxassisi A.Fozilov, kengash huzuridagi yoshlar maslahat
guruhi vakillari Katta Dehqonobod mahalla fuqarolar yigʻinida boʻlib, mahallada
aholi tomonidan tomorqadan samarali foydalanish boʻyicha amalga oshirilayotgan
ishlar bilan yaqindan tanishdilar. 

Tashrif davomida “mahalla yettiligi” tomonidan aholining bandligini taʼminlash,
daromadini oshirish va yerdan unumli foydalanish maqsadida olib borilayotgan
ishlar manzilli oʻrganildi. xususan, dehqonchilik yoʻnalishida oilaviy
tadbirkorlikni yoʻlga qoʻygan fuqaro Sh.Dadaboyev xonadonida boʻlib,
issiqxonada yetishtirilayotgan pomidor va bodring koʻchatlarini yetishtirish,
parvarishlash, agrotexnik ishlov berish hamda hosildorlikni oshirish boʻyicha
amalga oshirilayotgan ishlar va tajribasi bilan yaqindan tanishildi. 

Mutasaddilar tomonidan ushbu tajribani kengaytirish, aholi oʻrtasida ommalashtirish,
shuningdek, tomorqadan yanada samarali foydalanish boʻyicha amaliy tavsiyalar
berildi.