“Orjap” máhállesinde jańadan qurılıp atırǵan elektr tarmaqlarınıń jumısı menen tanıstı

✅ Ózbekstan Respublikasınıń 2024-jıl 7-avgust “Energiyanı únemlew, onnan aqılǵa uǵras paydalanıw hám energiya nátiyjeliligin arttırıw haqqında”ǵı ÓRN-940-sanlı Nızamı tiykarında, Xalıq deputatları Shımbay rayonlıq Keńesi sekretariat baslıǵı M.Zarikeev “Orjap” MPJ aymaǵındaǵı jańadan qurılıp atırǵan elektr támiynatı tarmaqlarında alıp barılıp atırǵan qurılıs-montajlaw jumısları úyrenildi.

Úyreniw dawamında elektr tarmaqların tartıw jumısları, qurılıstıń sapası, joybar tiykarında orınlanıp atırǵan jumıslar hám obektti belgilengen múddetlerde paydalanıwǵa tapsırıw máselelerine ayrıqsha itibar qaratıldı. Sonday-aq, jumıstı bólip alıp islewshi shólkem juwapkerleri menen sáwbet ótkerilip, jumıslardıń barısı hám bar mashqalalar boyınsha pikir alısıldı.

Deputat tárepinen qurılıs jumısların sapalı hám belgilengen múddetlerde juwmaqlaw, xalıqtı turaqlı hám úzliksiz elektr energiyası menen támiyinlew boyınsha tiyisli usınıs hám usınıslar bildirildi.