Xalq deputatlari Paxtakor tumani Kengashi deputati J.Uzaqov Dilorom mahallasida hokim yordamchisi faoliyati bilan tanishib, aholi bandligini ta’minlash, tadbirkorlikni rivojlantirish hamda "Kambag‘allikdan farovonlik sari" dasturi doirasida amalga oshirilayotgan ishlarni o‘rgandi.

Ma’lum qilinishicha, Dilorom mahallasida 955 ta xonadon, 1 016 ta oila, 4 067 nafar aholi istiqomat qiladi hamda 48 ta xizmat ko‘rsatish obyekti faoliyat yuritadi.

Yil boshida aniqlangan 65 nafar ishsiz fuqarodan 58 nafari ish bilan ta’minlangan, qolgan 7 nafar fuqaroning bandligini ta’minlash ishlari nazoratga olingan. Shuningdek, 61 ta oila "Kambag‘allikdan farovonlik sari" dasturi asosida qo‘llab-quvvatlanmoqda.

O‘rganish yakunida deputat mavjud ishlar samaradorligini yanada oshirish yuzasidan tegishli tavsiyalar berdi.