Xalq deputatlari Muzrabot tumani Kengashiga 12-«Obodon» saylov okrugidan saylangan deputat, tuman Kengashi kotibiyati mudiri D. Sherboyev kunlik ish rejasiga muvofiq tumandagi «Nurli hayot» mahallasida bo‘lib, ijtimoiy xodim tomonidan aholining ijtimoiy himoyaga muhtoj qatlamiga ko‘rsatilayotgan xizmatlar holatini o‘rgandi.

O‘rganish mahalliy Kengash deputatlari faoliyatining eng muhim 24 ta ustuvor yo‘nalishi doirasida amalga oshirildi. Unda mahalladagi ijtimoiy xizmatlar tizimining samaradorligi, ehtiyojmand oilalar, yolg‘iz keksalar, nogironligi bo‘lgan shaxslar hamda boquvchisini yo‘qotgan fuqarolar bilan olib borilayotgan ishlar tahlil qilindi.

Jumladan, ijtimoiy xizmatlarga muhtoj fuqarolarni aniqlash, ularning muammolarini o‘rganish, ijtimoiy yordam va xizmatlarni o‘z vaqtida tashkil etish, manzilli qo‘llab-quvvatlash choralarining amaliy natijalari hamda murojaatlar bilan ishlash holati yuzasidan atroflicha tanishildi.

O‘rganish davomida mahalla aholisi bilan muloqot o‘tkazilib, ularning taklif va murojaatlari eshitildi. Ijtimoiy himoyaga muhtoj fuqarolarning hayot sifatini yaxshilash, ularga ko‘rsatilayotgan xizmatlar qamrovini kengaytirish hamda tizimli muammolarni bartaraf etish bo‘yicha mas’ullarga tegishli tavsiya va topshiriqlar berildi.

Shuningdek, ijtimoiy xizmatlarning sifatini yanada oshirish, har bir murojaatga manzilli yondashuvni ta’minlash, davlat tomonidan belgilangan ijtimoiy kafolatlar va xizmatlardan fuqarolarning to‘liq foydalanishini ta’minlash yuzasidan amaliy choralarni kuchaytirish zarurligi ta’kidlandi.