Xalq deputatlari Qo‘qon shahar Kengashi deputati, Qo‘qon shahar hokimi M.A.Usmonov tomonidan “Tolzor” mahalla fuqarolar yig‘inida o‘tkazilgan fuqarolar qabuli davomida aholi murojaatlari atroflicha ko‘rib chiqildi.

Qabul jarayonida fuqaro A.Inomova mahalla hududidagi Amir Temur ko‘chasida elektr ta’minotida kuzatilayotgan nosozliklar yuzasidan murojaat qilib, mazkur muammoni bartaraf etishda amaliy yordam so‘radi.

Murojaat yuzasidan M.A.Usmonov tomonidan mavjud holat batafsil o‘rganilib, elektr ta’minotidagi nosozliklarni bartaraf etish bo‘yicha mas’ul tashkilotlar bilan hamkorlikda zarur choralar ko‘rilishi hamda ushbu masala shaxsiy nazoratga olingani ma’lum qilindi.

Qabul yakunida murojaatni imkon qadar qisqa muddatlarda ijobiy hal etish, hudud aholisini barqaror elektr ta’minoti bilan ta’minlash yuzasidan tegishli mas’ullarga topshiriqlar berildi.

Xalq deputatlari Qo‘qon shahar Kengashi