Qonunlar ijrosi deputatlar nazoratida

Xalq deputatlari viloyat Kengashi deputati Nodira Baratova hamda Xalq deputatlari Jomboy tumani Kengashi deputati Komila Umarova tomonidan Jomboy tumanidagi umumta’lim maktablarida “Dolzarb 90 kun” dasturi tadbirlari ijrosi o‘rganildi.

💠O‘rganish davomida umumta’lim maktablarida “Dolzarb 90 kun” dasturi doirasida tashkil etilgan to‘garaklar, ma’naviy-ma’rifiy, sport va madaniy tadbirlarning tashkil etilishi hamda o‘quvchilarning yozgi ta’til davrida mazmunli bandligini ta’minlash borasida amalga oshirilayotgan ishlar ko‘zdan kechirildi.

🔂Shuningdek, maktab rahbariyati va mas’ul xodimlar bilan muloqot o‘tkazilib, dastur ijrosini yanada samarali tashkil etish, mavjud kamchiliklarni bartaraf etish va yoshlarning bo‘sh vaqtini mazmunli tashkil etishga qaratilgan takliflar muhokama qilindi. Yakunda aniqlangan holatlar yuzasidan tegishli tavsiyalar berildi.