🇺🇿 Xalq deputatlari Uchtepa tumani Kengashiga "Adolat" SDPdan saylangan "18-Bog'iston" okrugi deputati Usmanov Anvar Baxramovich tomonidan Uchtepa tumannur korxonasi rahbari Kamoliddin Azizovga navbatdagi deputatlik so'rovi chiqarildi.

📊 Uchtepa tumani “18-Bog‘iston” saylov okrugi hududidagi Bog‘obod mahallasini o‘rganish jarayonida fuqarolar tomonidan 22- va 24-sonli ko‘p qavatli uylar oldidagi piyodalar yo‘lagi tungi vaqtda yoritilmaganligi yuzasidan murojaat bildirilganligi, mazkur murojaat joyiga chiqib o‘rganilganda, ushbu hududda tungi yoritish moslamasi va elektr tayanchi (ustuni) mavjud emasligi, fuqarolar xavfsizligini ta’minlash, piyodalar harakati uchun qulay va xavfsiz sharoit yaratish maqsadida mazkur hududga tungi yoritish moslamasi hamda elektr tayanchini (ustunini) o‘rnatish masalasini belgilangan tartibda ko‘rib chiqib, amaliy choralar ko‘rish zarurligi qayd etilgan.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.